منتديات اميرات دزني
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


والقبه منتديات احلى بنات و منتديات فلة بنات
 
الرئيسيةالبوابةأحدث الصورالتسجيلدخول

 

 تعالوا شوفوا قصه شغالتي يوم بغيت أسفرها{لقيت بلاوي معاها}

اذهب الى الأسفل 
كاتب الموضوعرسالة
فتيات المستقبل
المديرون
المديرون
فتيات المستقبل


عدد الرسائل : 85
تاريخ التسجيل : 09/01/2009

تعالوا شوفوا قصه شغالتي يوم بغيت أسفرها{لقيت بلاوي معاها} Empty
مُساهمةموضوع: تعالوا شوفوا قصه شغالتي يوم بغيت أسفرها{لقيت بلاوي معاها}   تعالوا شوفوا قصه شغالتي يوم بغيت أسفرها{لقيت بلاوي معاها} Emptyالسبت يناير 10, 2009 6:02 am

بسم الله الرحمن الرحيم
السلام عليكم ورحمة الله وبركاته

بقولكم قصة شغالة خالتي يوم بغت تسفرها إيش لقت معاها وش سوت لها و..........و.....و...؟؟؟؟

بقول القصه بلساني:

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ
جاء وقت الطامه اللي انا خايفه منها منذ سنتين وهي سفر خدامتي
طبعا الخدامه من اول ماجات وهي كل ماطلعت أو رحنا مكان قفلت غرفتها
ولا ترضى لأحد أنه يدخل لها
وانا حجزت لها ولا علمتها أنها راح تسافر يوم الجمعه لاكنها مجهزه اغراضها من شهرين
وكل ماوديتها للسوق عشان تشتري هدايا لعيالها واهلها تروح وترجع ولا اشترت شي
بس قالت لي يوم الاربعاء انها تبي جوالات مستعمله تشتريها راح زوجي يدور على جولات لها
ولقينا واشترينا لها الجوال تقريبا سعرهم على 200ريال
وأنا عندي مفتاح لغرفتها وهي تدري اني عندي وحاولت كم مره اوديها عند جيراننا ولا عند أهلي
عشان أقدر افتش اغراضها لاكن ماقدرت يعني ماجت الظروف على الكيف
المهم جت لمي يوم الخميس ونزلت أغراضها وقالت : مدام تفتشين اغراضي
قلت لها : لا وشلون افتش اغراضك انتي زي أختي
طبعا أخذت الخدامه بر الامان
وأنا من زمان وأنا فاقده اساور لبنتي الصغيره شاريتهم على 2000 ست اساور
ومن أول ماشتريتهم ماشفتهم وشكيت فيها فرحت قلت لخواتي أني ابي افتشها لاكني ما أقدر
لأني حاطه لها ذهاب وعوده بالتكت حق السفر فاخاف إذا فتشت أغراضها تحقد وتسوي فيني بلا انا وعيالي قالت لي أحد خواتي وش رايك تكلمين على وحده هي تفتشها لك
طبعا حنى موجود عندنا حريم ياخذون منك فلوس يجون يفتشونا لك من البيت وإذا بغيتي
تدفعين زياده وتخلينها على طول تاخذها معاها للمكتب
أخذت الرقم وكلمت قالت لي أنا أفتش على 300 وإذا بغيتيني أخذها معاي للمكتب500 لاكن والله التفتيش مررره دقيق طبعا أستكثرت ال500وقلت لها أشوف يصير خير
لأني اخاف تلقى معاها شي وإذا جاء الليل تسوي فيني شي
توكلت على الله وكلمت عليها وقلت لها تجي وقالت لي لاتخافين انا معاي اوراق رسميه تثبت اني جايه من المكتب وأن المكتب طريقتهم كذا هم يفتشون قبل مايخذونها
جت وقالت لي وينها ناديت الخدامه وقلت لها المكتب يبغاكي هي حسبت بالتلفون
قلت لها :لا المكتب جاين يخذونك نزلي اغراضك
نزلت أغراضها
وسمت المفتشه بسم الله وفتحت اول شنطه
أنهبلت الخدامه وقالت لي مدام شوفي وش يسون يفتشون اغراضي جت المفتشه ومسكتها وقالت:
موهاذي مدام أنا مدام هلحين أنا من المكتب وهاذي أوراقي الرسميه
تثبت اني من المكتب
وقالت لي أي ملابس ملبوسه اوة مر جسمكم عليها تطلع حتى لو انغسلت
طبعا فضت اول شنطه لأن الأغراض اكثرها أنا معطيتها اياها لأولادها
وهي تفتش تقلب البلوزه ونشوف إذا فيه خياطه شكلها غلط فكتها وتناظر تحت القميص
إذا هو مخيط من تحت فكته يعني ممكن تحط فيه شعر أو خاتم أو اي شي مو ملموس
خلصت من الشنطه الأولا وبدت بالشنطه الثانيه
أفتحتها ولقت على الوجه بطانيه ملفوفه جت أخذتها تبي تفتحها
وتجي الخدامه تسحبها منها بقوه وتقول هذا حقي
وتركض فوق لغرفتها وتركض المفتشه معاها تلحقها
قامت الخدامه تدور بالفغرفه مهي عارفه وش تسوي
وتجي هذيك تسحبها منها بقوه ويطيح منها ست أساور ذهب
أنا أنهبلت
وارجعت المفتشه تدور مره ثانيه بالشنطه
لقت بلوزه قلبتها لقت موجود خياطه غلط فتحتهم وش لقت
3 خصل شعر ملفوفين افتحت الأول لقت موجود داخله كبكوبة خيط وتتحسسه تحس مو جود داخله شي
قامت جابت السكين والمقص مو راضي ينفتح الا قامت تقرا عليه عشوي شوي
ألا الحمد لله أنفتح ولقت داخله خاتم
قالت لها من وين هذا قالت هذا مدام عطتني اياه
قلت :لا ماعطيتك ياه هذا هديه من زوجي وشلون اعطيكي اياه
ونفس الحكايه مع الخيوط الشعر الثانيه كلها داخلها خواتم
ولقت فازلين مسكر جديد وافتحته تخيلو فازلين جديد
تفتحه تجيب صحن وتكبه فيه وإذا لقت فيه شي طلعته ولا ترضى ترجعه وإذا مافيه شي رجعته
ألا لقت كريم لونه اصفر تشمه مو كريم
تقولها وشو هذا تقول هذا مكياج حق انا
تجي المفتشه تحطه على جنب وتقول نافيه تاخذينه
وتنهبل الخدامه وتقعد تهاوش
افتحت كريم ثاني لقت لونه أحمر تشمه مو كريم
تقولها إيش هذا تقول هذا كريم حقي
تقول مافيه تاخذينه
وكانت هذي الأغراض أخر مابالشنطه
وأخذت المفتشه الخدامه ودخلتها الحمام
وفصختها كل شي
ربي كما خلقتني تعطيها ملابس جدد
وجت المفتشه تشوف شعرها
إذا مغبيه في شي
وتحس شي من أخر الشهر شي يمط
ألا رفعت الشعر الموجود فوقه ولقت وصلت شهر ثانيه
جت اسحبتها وفكتها وأخذتها وقالت هذا ماتخذينه
قامت الخدامه تهاوش وتصايح وتصارخ
ألاا أبي اخذه
جت المفتشه أخذتها عشان توديها معها للمكتب
وقبل ماتطلع الخدامه قالت لي : مدام أنا أبرجع صح
قلت لها:يصير خير نشوف
وأخذتها معاها وحطتها بغرفه وقفلت عليها لمين الصباح وبعدين ودتها معاها للمطار



وانتهت القصه

لاكن الشي المريب انه هي معاها جوال جايبته معاها من أندونيسيا
لاكن مالقيتهم مع اغراضها
وشغالت جيراننا معطيتها هديه شمعه كبيره كذالك مالقيته مع أغراضها
والمفتشه قالت لي ان سروالها الداخلي تكرمون فيهسحاب
يعني شكلها ناويه تاخذ شي زياده




وبــــــــــــــــــــــــــــــــــــــــــــــــ ـــــــــــــــس
واتمنى تبدعون بردودكم
تحياتـــــــــــي
الرجوع الى أعلى الصفحة اذهب الى الأسفل
https://hqaop.ahlamontada.net
 
تعالوا شوفوا قصه شغالتي يوم بغيت أسفرها{لقيت بلاوي معاها}
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات اميرات دزني :: منتدى اللغة العربية والأدب-
انتقل الى: